RUTA_1:
Ruta BTT SUÍDO - VAL DE TIELAS
Poñerlle corazón sen esquecer as pernas e a gozar desta ruta que vos propoñemos pola Serra do Suido e O Val do Tielas no concello de Covelo. A Serra do Suido é a nosa montaña, que nos ofrece un patrimonio natural no que están presentes hábitats e especies protexidas, paisaxes únicas de pedras arroxadas polo clima nas que crían os últimos lobos da península, pastizales naturais, humedales repletos de anfibios e plantas, e todo un patrimonio etnográfico gandeiro de chozas de pastoreo, currais e o impresionante Foso do Lobo de Portela dás Travesas. E alá na cima, no lugar de Lombo dá Serra, si o día está claro poderedes ver no horizonte do poñente o mar de Ría de Vigo, coas Illas Cíes ao fondo, e Cangas e Moaña mais preto.
Logo iniciaredes o descenso pola cabecera do Val do Tielas na parroquia da Graña, cara aos Robledais do río Tea, que verte as augas no Miño logo de pasar por Mondariz, Ponteareas e Salvaterra. Aquí poderedes gozar de carballos centenarios, de prados naturais con pechaduras de setos de retama brancos e amarelos nos que pastan manadas de cabalos e vacas louras galegas, das igrexas barrocas da Graña e Campo, e da preciosa rectoral deFofe. Estas foron terras de arriero que transportaban viño do Ribeiro e peixe de Marín, de gandeiros e campesiños que modelaron a paisaxe coas súas mans e o seu traballo. E así a veredes, parecida á que foi, de marrón, verde e azul infinito, de augas limpas e aires de liberdade. Que a difruteis co corazón.
RUTA_2:
A AVENTURA DOS SEPULCROS DE FONTEFRÍA.
Propóñovos un xeito diferente de gozar da natureza nun espazo no que a interacción das actividades do home co medio deu como resultado unha paisaxe amable, diverso en hábitats e especies, suave de formas, de aire limpo e augas frías. E de aí o seu nome, Fontefría. Entre os concellos de Covelo e A Cañiza, con altitudes entre 600 e 800 metros se erixe como unha longa chan que serve de unión entre a Sierra do Faro e os Montes da Paradanta. Temos alí, ao noso lado, unha paraxe única que ademais de ser un "corredor de vida" no que podemos atoparnos con xabaríns, corzos ou lobos, escóndese debaixo dos pinares, ben tapadas polas follas secas, as probas máis antigas que demostran que tamén foi o lugar que elixiron para vivir os primeiros poboadores deste territorio. Os numerosos Sepulcros localizados, construídos fai máis de 4000 anos, converten este espazo nunha verdadeira necrópolis que acolle os restos dos nosos antepasados. Necrópolis violada ao longo do tempo na procura de tesouros, pero aínda existente.
Natureza, paisaxe moldeada polo home e o tempo, e historia, máis ben prehistoria. Esta é a oferta.
A ruta está pensada para os que non queren camiños sinalados, para os cales gustan da orientación; os que prefiren atoparse con dificultades nos atallos e ter que atravesar barrizales e regatos, sortear os matorrais, desorientarse no medio dos piñeiros ou tornar o gando bravo; en fin, os que queren que o camiño sexa unha aventura. Pois iso, un pouco de aventura controlada. Un simple mapa de situación, coñecementos mínimos de localización por coordenadas, e como na vida mesma: saber sempre onde está o norte, é suficiente para poder gozar dun percorrido que non vos deixará indiferentes. Estou seguro de que moito do que vexades e sintades permanecerá para sempre convosco e pasará a formar parte da vosa vida. E cun valor engadido para os tempos que corren, custa cero euros. Aínda quedan cousas que sen ter prezo esconden moito valor. Como ben dicía Machado: "Só o majadero confunde valor con prezo".
