06/01/2017
Cabalgata de Reis 2017
Saída de Maceira pasando pola Residencia de Maiores e chegada ó Pavillón Municipal de Covelo. Animación con música, inchables, zumba para nenos e chocolate con churros para todos os asistentes.

26/12/2016
Instalados e en funcionamento os equipamentos térmicos de biomasa en casas culturais de Maceira, A Lamosa así como na Biblioteca e Gardería Infantil de Covelo
Foron instaladas e se atopan en pleno funcionamento as estufas de biomasa dos centros sociais de Maceira e A Lamosa así como a caldeira de biomasa para calefactar a gardería e biblioteca en Covelo, realizadas ó amparo da resolución do 10 de xuño de 2016 pola que se conceden subvencións, en réximen de de concurrecia competitiva, para a realización de proxectos de equipamentos térmicos de biomasa, cofinanciadas polo Fondo Europeo de Desenvolvemento Rexional no marco do programa operativo Feder-Galicia 2014-2020.

16/12/2016
Programa de compostaxe doméstica 2017
Nesta primeira fase, a Sociedade Galega de Medio Ambiente (Sogama) en colaboración có Concello facilitará as persoas ou familias interesas un total de 25 composteiros, un manual de compostaxe doméstica e un pequeño curso de formación (duración de unha hora) có obxecto de procurar o maior éxito na implantación da experiencia composteira.

15/12/2016
Participación veciñal na elaboración do Presuposto 2017
Coa intención de fomentar os procesos de participación veciñal na toma de decisións públicas, ponse en coñecemento de tódolos veciños que poderán facer suxerencias, aportacións ou propostas en calquera ámbito orzamentario; no plan anual de obras e inversións, na organización de festas e actividades lúdicas, deportivas, culturais e sociais, ou en relación á organización e funcionamento dos servizos públicos.

05/12/2016
Está a disposición do público a pista de padel localizada no Colexio Público de Covelo Antonio Blanco Rodríguez
Poderase utilizar a partir do mércores 7 de decembro de 2016