Faise público o quinto informe de situación dos casos coñecidos e confirmados de COVID-19 no Concello de Covelo así como dos posibles casos pendentes de confirmar. Dende o 21 de Abril ata o día de hoxe, no concello de Covelo NON SE DIAGNOSTICARON novos casos de COVID-19. O posible novo caso na parroquia de Maceira, do que informamos anteriormente, deu NEGATIVO nas probas PCR realizadas. As boas noticias de hoxe tamén son que despois das tres altas da semana pasada e do caso negativo de Maceira, unicamente son 5 as persoas afectadas. Informase de axudas de emerxencia a persoas e familias por falta de ingresos, da continuación do reparto gratuito de mascarillas a persoas empadroadas e da implantación do servizo gratuíto de préstamo de libros a domicilio na Biblioteca Municipal de Covelo.