Para coñecemento da veciñanza, e coa intención de evitar alarmas e preocupacións entre os veciños derivadas de comentarios e noticias falsas, informo da situación a día de hoxe dos casos coñecidos e confirmados de COVID-19 no Concello de Covelo e das medidas adoptadas.
Ademais dos traballos de desinfección, atención de enfermos e persoas dependentes, continúase adquirindo material de protección. Cando recibamos as 3.000 mascarillas encargadas indicarase como será o procedemento para recollelas. Neste sentido, quérese dar as grazas aos que voluntaria e desinteresadamente ofreceron o material que precisamos e que está sendo de suma importancia para nós.