- 27/06/2008 -

A Axencia de Sostibilidade do Concello de Covelo oferta 16 prazas de campamento no Programa Naturaqua na Rede de Centros o Aire Libre en Taboada en Ourense. A oferta dirixida os xoves de dez a catorce anos, é un modo alternativo e lúdico de coñecer e respectar o medio ambiente, nunha zona como a Ribeira Sacra que conta cunha paisaxe, e unha riqueza natural e patrimonial de excepcional relevancia. A estancia de catro días terá lugar entre os días 14 e 17 de xullo do 2008. Os gastos de transporte e estancia correrán a cargo da Consellería de Medio Ambiente e Desenvolvemento Sostible. Os días 3 e 4 de xullo os solicitantes confirmarán a asistencia mediante a presentación dunha autorización dos pais/titores que pode recollerse nas oficinas do Concello de Covelo en horario de 09:00 a 14:00. En caso de non presentar a devandita autorización adxudicarase a praza o seguinte da lista.