Mellora da piscina municipal de Covelo: obra rematada con éxito

O Concello de Covelo vén de rematar os traballos de mantemento e conservación da piscina municipal, situada na CM de Lamela, nº 8. Esta actuación tiña como obxectivo garantir a posta en servizo da instalación en condicións óptimas de seguridade, funcionalidade e habitabilidade para o uso público.

A obra, iniciada o 12 de maio de 2025 cun prazo de execución de dous meses, contou cun orzamento final de PRESUPOSTO BASE DE LICITACIÓN CON IVA (PBL c/IVA) : 58.189,71 EUR (IVE incluído), financiado segundo o proxecto técnico aprobado.

Actuacións realizadas:

• Renovación completa do revestimento interior do vaso da piscina con mosaico de gres esmaltado.

• Substitución das ménsulas perimetrais deterioradas por pezas novas de granito Silvestre abuxardado.

• Reparación e impermeabilización da canle perimetral, coa colocación de novas reixas antiescorregadizas.

• Execución dun novo pavimento exterior de formigón poroso, con acabado antiescorregadizo.

• Melloras na sala de máquinas, incluíndo o cambio da area dos filtros, revisión de compoñentes e renovación de elementos de estanqueidade.

Ademais, realizáronse obras complementarias de mellora nas instalacións, consistentes na impermeabilización do vaso, a renovación integral do azulexo e o arranxo e pintado das rúas de acceso. Estas actuacións foron financiadas con cargo ao plan extraordinario de instalacións deportivas da Deputación de Pontevedra, cun investimento de 60.928,05 €.

Todos os traballos foron realizados conforme á normativa vixente en materia de accesibilidade, seguridade, salubridade e xestión de residuos.

Conclusión

A piscina municipal de Covelo está xa preparada para a súa reapertura ao público, cunha instalación renovada que garante maior seguridade, confort e durabilidade.