Logo dunha consulta pública na que se recolleu as prioridades formativas da poboación, o Concello ofreceu tres cursos que contaron cunha parte teórica e outra práctica. En concreto ofreceuse un curso de operador/a de plataformas móbiles PEMP de oito horas de duración, un curso de carretilleiro/a de 15 horas de duración e un de operario/a de almacén e loxística de 40 horas de duración.

O obxectivo dos cursos, que foron financiandos con fondos propios, é promover a inserción laboral e mellorar o curriculum das persoas desempregadas ofrecendo formación de acorde á demanda do mercado, estando abertos no caso de que queden prazas dispoñibles a persoas en activo que desexen mellorar o seu curriculum como aconteceu nestes últimos cursos.

Nos vindeiros meses ofreceranse novos cursos de formación deseñados en base ás necesidades recollidas no proceso de participación.