A vila coruñesa de Betanzos deixou a súa pegada en Covelo ao resultar gañador na categoría: 2+1 o equipo O Pasatempo Mixto con 60 puntos e un tempo de 8:54:30, Talleres Mingos-Biziebike-Vizhoja Cornelios e Budiñoraid Sumipor quedaron no segundo e no terceiro posto respectivamente.
Na categoría Orienta-Raid os lucenses Fluvial Asturextrem acadaron o primeiro posto con 21 puntos e un tempo de 5:25:58, facéndose co segundo posto o Arnelao e o Aromon Matogueira co terceiro.
O alcalde Pablo Castillo felicita aos equipos gañadores e amosa a súa satisfacción pola celebración deste tipo de probas que fomentan o deporte, unha vida saudable e un xeito diferente de coñecer a beleza da nosa contorna.
Pola súa banda os organizadores, Xesta Natureza, agradecen a colaboración do Concello e das distintas entidades, Protección Civil e empresas colaboradoras “porque nos facilitaron o bo desenvolvemento da proba e porque sen eles sería imposible”.
O deporte dos Raids de Orientación consiste en realizar un percorrido, preestablecido pola organización, marcado no terreo mediante balizas e sinalado no mapa específico dese terreo que se entregará a cada participante.Os percorridos serán lineais e deberán realizarse en orde e haberá diferentes modalidades deportivas.
O “Raid Covelo, tralas pegadas do lobo” foi patrocinado polo Concello e organizado pola Federación Galega de Orientación (FEGADO) e Xesta Natureza en colaboración con empresas privadas, coa FED, Xunta de Galicia, Deporte Galego e Deputación de Pontevedra.
