- 10/03/2008 -

Orde do 22 de febreiro de 2008 pola que se establecen as bases reguladoras para a concesión de axudas para a prevención e defensa contra os incendios forestais en montes veciñais en man común e se convocan para o ano 2008. Liñas de axudas: a) Liña I: subvencións para a realización de rozas manuais selectivas en montes veciñais en man común Subvencionaranse nesta liña os traballos de silvicultura preventiva consistentes na realización de rozas manuais selectivas para o mantemento de devasas nos montes veciñais en man común, coa finalidade de reducir a carga de combustible presente no monte e crear zonas de descontinuidade, contribuíndo así a diminuír o risco de propagación de incendios forestais e a minimizar os danos causados por estes sinistros, en caso de se producir. Estes traballos realizaranse sempre dentro do ámbito territorial do monte ou montes para os cales o beneficiario solicite a axuda. b) Liña II: subvencións para a xestión da biomasa nos montes veciñais en man común así como nas de vías e camiños forestais incluídos neles. Dous tipos de actuacións: a) Rozas mecanizadas en devasas: actuacións para reducir a biomasa e inflamabilidade da vexetación natural de xeito que se consigan estruturas de masa con maior resistencia á propagación do lume. b) Faixas auxiliares: actuacións para xestionar a biomasa vexetal nas vías e camiños forestais, no estrato arbustivo e subarbustivo, nos dous metros desde a aresta exterior da vía ou camiño, tendo en conta os criterios para a xestión de biomasa vexetal establecidos pola Orde do 31 de xullo de 2007, da Consellería do Medio Rural c) Liña III: subvencións para a construción de puntos de auga nos montes veciñais en man común. Subvencionarase a construción de puntos de auga para a prevención e defensa contra os incendios forestais, que se situarán en zonas estratéxicas para a defensa dos núcleos de poboación e das masas forestais, cunha orografía axeitada para a actuación dos medios do SPDCIF e garantindo a actuación rápida destes. O prazo de presentación de solicitudes será dun mes contado a partir do día seguinte ao da publicación desta orde no Diario Oficial de Galicia (3 marzo 2008).