Logo do percorrido polas parroquias as súas maxestades chegarán ao centro urbano para visitar ás persoas maiores da residencia e desfilar hacia o pavillón arredor das 19:30 horas. Os zancudos Elegantes de Branco de Asacocirco serán os encargados do recibimiento para, a continuación, acompañalos na entrega de agasallos doces a cada neno e nena. Inchables, tobogáns de bolas, batallas de bolas xigantes e música serán algúns dos ingredientes que Animar-T ten preparada. Un chocolate quente con rosca completará esta tarde de festa.

Percorrido da cabalgata

As Raíñas e Reis Magos de Oriente visitarán as parroquias e o centro urbano parándose a saudar nos negocios de hostalaría, nas prazas e nas casas e centros culturais.

Segundo fontes oficiais, a comitiva de Gaspar sairá dende Fofe ás 17:00 horas para ir a Piñeiro, logo ás 17:30 chegar a Barcia de Mera, ás 18:00 horas en Casteláns e ás 18:30 entrar na praza Mestre Cerviño. O séquito de Baltasar sairá ás 16:30 dende A Graña para ir a Campo, ás 17 horas a Godóns, 17:30 San Salvador de Prado e 18 horas en Maceira destino á praza Mestre Cerviño. O cortexo de Melchor sae ás 16:30 horas dende Prado da Canda; para estar ás 17 horas na Lamosa, ás 17:30 en Paraños e ás 18 horas en Santa Marina.

Paxes, raíñas e reis xuntaranse na praza Mestre Cerviño arredor das 18:30 horas onde serán recibidos con música e baile antes de ir visitar ás persoas maiores da residencia. A continuación desfilarán cara ata o pavillón municipal.