Present News
Covelo prepara as árbores das prazas para evitar riscos e posibles incidencias
- 02/11/2023 -
O Concello pide precaución na circulación por estradas
O Concello de Covelo contratou os traballos de poda e arranxo de árbores nas prazas públicas para evitar riscos de caídas e posibles danos á poboación. Nos pasados días actuouse no centro urbano e ao longo destes meses proseguirase nas prazas e espazos públicos do resto dos barrios e parroquias na medida que a climatoloxía o permita.
O Concello agradece a colaboración da veciñanza e pide precaución, sobre todo nas estradas, seguindo sempre os consellos e instrucións facilitadas polos servizos de emerxencia.
