Axudar ás persoas a entender e a empregar a tecnoloxía é o obxectivo destes cursos que perseguen acurtar a fenda dixital. De 17 a 19 horas ensinarán ás persoas participantes conceptos básicos de iniciación a internet, realizar búsquedas de traballo na rede, redactar o seu curriculum vitae, empregar o smartphone ou a tablet ou realizar compras no ecommerce. Ademais aprenderán pasos básicos para navegar con seguridade e a realización de trámites administrativos. Tamén aprenderán ferramentas para mellorar a visibilidade do seu negocio e a facer unha boa xestión das súas redes sociais e todas aquelas cuestións que lle sexan trasladadas.

Dende o Concello animan a todas as persoas maiores de 50 anos a perder o medo e a vergoña e asistir a estes cursos para non quedarse atrás e manterse actualizados. O uso axeitado de internet facilita o día a día sendo máis doado do que semella e posibilitando acceder a trámites, citas ou xestións coa administración dende a casa e a calquera hora do día.