As clases impartiránse de 12:15 a 14:15 horas, organizadas en quendas de media hora no caso das dirixidas a crianzas, e serán totalmente de balde. As persoas interesadas que desexen ter máis información deberán contactar coas oficiñas do concello de luns a venres de 9 a 14 horas ou visitar a web municipal na seguinte ligazón cursos de natación

A inscrición tamén se poderá realizar a través da sede electrónica https://covelo.sedelectronica.es/info.0

O comezo das clases para os adultos será o día 2 de agosto tres días á semana; os luns, mércores e venres ás 12:15 horas.

Para as crianzas nacidas a partir do ano 2018 as clases arrincarán o 1 de agosto ofrecendo dous días semanais para iniciación, martes e xoves e tres días; luns, mércores e venres, para perfeccionamento. https://concellodecovelo.es/?sec=7&id_noticia=1522

As persoas empadroadas terán preferencia nestes cursos que, verán tras verán, oferta o Concello de Covelo co obxectivo de promover o deporte, maximizar o uso das instalacións deportivas municipais e ofrecer a oportunidade de aprender ou mellorar sen ter que saír do seu concello. “Cada verán abrimos a piscina municipal non só para o desfrute da cidadanía, tamén para que a veciñanza poida adquirir novas habilidades ou melloralas da man de profesionais”, explica o alcalde Pablo Castillo.