Posuidor dun son belo e poderoso Pastrana desprega orixinalidade nas súas interpretacións sen abandonar a esencia e pureza da música, converténdose nun intérprete versátil e auténtico que chega ao público dunha maneira sincera e directa. Por todo isto, recibiu diferentes premios e recoñecementos tales como o Premio Intercentros Melómano, Primeiro Palau da Música de Cataluña, Khachaturian International Cello Competition de Armenia e o Premio Nacional da Música ‘El Ojo Crítico‘ outorgado por RTVE.

 

Con motivo do seu decimoquinto aniversario o Ciclo de Música de Barcia de Mera ofrecerá novidosos concertos e estreas a nivel nacional. O pasado 29 de abril tivo lugar o concerto inaugural cos madrileños Trío Domaní que interpretaron un programa clásico con pezas de Mozart e Brahms.

 

O programa atraerá, un ano máis, a centos de apaixoados/as da música clásica ao Concello de Covelo. Este sábado posibilitará que gocemos con Johann Sebastian Bach da man do violoncellista Guillermo Pastrana.

Ao longo deste meses, non faltarán sorpresas e novidades como o concerto espectáculo do 3 de xuño cun dúo de piano e chelo acompañado dunha interpretación poética, “La música en otros cuerpos”. 

 

A famosa actríz Vicky Peña elixíu o Ciclo de Música de Barcia de Mera para estrear “Desarraigo”. O 15 de xullo a igrexa de San Martiño de Barcia de Mera convertirase no escenario dunha obra de denuncia social na que tomaremos consciencia da situación dos refuxados e dos exiliados. A actríz catalá, preocupada “polo mundo que deixamos” elixe a nosa vila para estrear unha obra cargada de denuncia e de sensibilidade xunto a Orestes Gás.

 

Agosto acollerá dous concertos, o de Locus Músicus que traerá sons medievais galaico portugueses e o da Orquestra Sinfónica de Galicia o día 26. A programación desta decimoquinta edición péchase o 16 de setembro con Vox Stellae, que leva acompañando ao Ciclo de Música de Barcia de Mera dende os seus comezos e que este ano cumpren vinte anos dende a súa fundación “e queremos celebralo con eles”, explica Nieves García Sotos que xunto ao Pai Rafael decidiron facer do conxunto abacial de Barcia de Mera o epicentro das persoas amantes da música clásica posibilitando escoitar a voces e músicos de primeiro nivel nesta fermosa contorna. 

Discípulo de Ivan Monighetti e Gustav Rivinius, Guillermo Pastrana foi influenciado por outros grandes mestres e intérpretes como Thomas Demenga, Wolfgang Boettcher, Maria Kliegel, Raimund Korup, Rafael Rosenfeld, Vladimir Ashkenazy, ou Eduard Brunner entre outros.

 

Cunha visión universal, Pastrana profunda tanto no campo da interpretación histórica como no campo da música de nova creación. Colaborou con compositores da talla de Tomás Marco, David do Porto, Jesús Navarro, Josep Marí Guix Aguilar, María Eugenia Luc, que lle dedicaron moitas das súas obras e colaborou con ensembles como Grupo Enigma ou Ensemble Kuraia (País Vasco). Ademais contribúe á recuperación do patrimonio histórico musical español, exemplo diso é o seu último CD onde realizou a primeira gravación e recuperación da sonata para violoncello de Joan Manén, compositor e violinista español de comezos do século XX.

 

Actuou en cidades e festivais de todo o mundo e interpretado o gran repertorio do violoncello con orquestras como a Orquestra de Radio Televisión Española (ORTV), Filarmónica de Medellín, Belgian National Orchestra, Sinfónica de Chile, Orchestra dei Sanremo, Camerata Palatina Vilnensis, Filharmonia ?ódzka, Moscow Conservatorium Symphonic Orchestra, Orquestra de Castela e León, Sinfónica de Galicia, ADDA Sinfónica, Sinfónica de Tenerife, Orquestra Ciudad de Granada e Sinfónica de Navarra, entre outras. Tivo o privilexio de actuar como solista xunto a directores da talla de Kazuki Yamada, Miguel Angel Gómez Martínez, Michal Nesterowicz, Alejandro Pousada, Michael Schønwandt, Manuel Hernández Silva, Josep Vicent, Aldo Ceccato, Antoni Wit ou Salvador Máis entre outros.

 

Guillermo Pastrana é solicitado como Profesor, impartindo Masterclasses de violoncello e música de cámara, en diferentes países. Na actualidade é Profesor nos ‘Musical Arts Madrid‘ e desde 2017 Docente e Profesor Asistente na Hochschule für Musik FHNW, Musik Akademie Basel en Suíza.

 

Como mención especial merecen ser destacados os recitais ofrecidos por Pastrana no Palacio Real co violoncello Stradivarius 1700, instrumento pertencente a Patrimonio Nacional de España. Na actualidade Guillermo Pastrana toca cun violoncello Antonio Cassini construído en 1670.