Sobre a película:
Nun futuro próximo, o Goberno español propón un referendo para implantar un sistema de Intelixencia Artificial que substituiría ao persoal xudicial en todos os tribunais. O país entra nunha campaña electoral feroz entre tecnoloxía e xustiza humana.

Carmen Costa, unha xuíza recoñecida, é convidada a participar no proxecto… pero a misteriosa desaparición da científica que o creou fará saltar todas as alarmas. O que parece unha innovación histórica pode estar agochando unha conspiración capaz de controlar todo un país.

Protagonizada por Verónica Echegui, Tamar Novas, Alba Galocha e un gran elenco, Xustiza Artificial foi candidata aos Premios Mestre Mateo á Mellor Longametraxe.

Entrada libre ata completar aforo.
Non perdas esta emocionante historia onde a tecnoloxía, o poder e a verdade se enfrontan cara a cara.