Este Concello solicitou subvención ante o Padroado Provincial de Turismo “Rías Baixas” ó abeiro das bases publicadas no Boletín Oficial da Provincia de data 29 de outubro de 2010 para a concesión dunha beca para a realización de 4 MESES (704 HORAS) de prácticas na oficina de turismo de COVELO.

O carácter temporal desta beca fai que se aproben os seguintes criterios para a selección do seu destinatario, que en todo caso garanten suficientemente os principios de igualdade, mérito e capacidade, de obrigado cumprimento.

Así, de conformidade co sinalado no artigo 21.1.g) da Lei 7/85, DISPOÑO:

1º. Aproba-la correspondente beca anteriormente mencionada.

2º. Aproba-los seguintes criterios e procedemento ós que se axustará a selección do/a bolseiro/a, sendo imprescindible cumprir cos requisitos de titulación referente a cada posto: Diplomado en Turismo ou equivalente, ou Técnico Superior de Información e Comercialización Turística, no momento da convocatoria de selección. A titulación debera ser, cando menos, obtida no ano 2002 ou con posterioridade a esta data. Os títulos obtidos no estranxeiro ou en centros españois non estatais deberán ser validados ou recoñecidos, e tendo en conta a posibilidade de aumenta-la puntuación segundo o baremo exposto a continuación.
 

Ofertar unha beca ou bolsa de estudio a un Diplomado en Turismo ou equivalente, ou Técnico Superior de Información e Comercialización Turística, no momento da convocatoria de selección. A titulación debera ser, cando menos, obtida no ano 2002 ou con posterioridade a esta data. Os títulos obtidos no estranxeiro ou en centros españois non estatais deberán ser validados ou recoñecidos. As tarefas do posto serán o desenvolvemento das actividades de información, animación e promoción turística do municipio de COVELO que leve a cabo o Concello ou organicen outras Administracións, organismos autónomos ou outras entidades, públicas ou privadas coas que o Concello decida colaborar ou intervir.

2.1. Para ser admitidos á realización do proceso selectivo os aspirantes deberán cumprir os seguintes requisitos:

·        Ser español/a ou cidadá de calquera dos estados membros da Comunidade Europea e residir en España.

·        Ter cumpridos 16 anos de idade.

·        Estar en posesión do título de Diplomado en Turismo ou equivalente, ou Técnico Superior de Información e Comercialización Turística, no momento da convocatoria de selección. A titulación debera ser, cando menos, obtida no ano 2002 ou con posterioridade a esta data. Os títulos obtidos no estranxeiro ou en centros españois non estatais deberán ser validados ou recoñecidos..

·        Non padecer enfermidade nin estar afectado por limitación física ou psíquica que sexa incompatible co desenvolvemento das funcións propias do posto para o que se selecciona.

·        Non estar separado do servizo de ningunha administración pública en virtude do expediente disciplinario nin encontrarse inhabilitado, por sentencia firme, para o exercicio de funcións públicas.

·        Non estar incurso en ningunha das causas de incapacidade ou incompatibilidade sinalados na lexislación vixente.

 2.2. Todos os requisitos esixidos no apartado anterior deberán posuílos os aspirantes o día do remate do prazo para a presentación de solicitudes e conservalos, a lo menos, ata a data da súa contratación.

O importe total da beca é de 5.280,00 €, que serán satisfeitos en meses vencidos a razón de 7,5 € / hora traballada ,( Total 704 horas ) computadas dende a data de inicio da actividade.

Segundo as bases publicadas polo Padroado de Turismo “Rías Baixas”, correspóndelle a este Concello a achega económica do 50% da beca.

No suposto de que o beneficiario da bolsa renuncie á mesma unha vez outorgada, abonaráselle a cantidade correspondente ós días transcorridos ata que se produza a renuncia.

O bolseiro non terá relación laboral nin contractual co Concello nin será incluído na seguridade Social. No obstante, o Concello formalizará un seguro individual de accidentes a favor do/a beneficiario/a beca que cubra o risco durante o período de duración da mesma.

O período de duración das actividades a realizar será de CATRO MESES (704 horas) contados a partir da data de inicio.

As tarefas que desenvolverá os bolseiro consistirá en tarefas de información, animación e promoción turística do Concello de COVELO.

Se dará publicidade a convocatoria desta bolsa coa publicación das bases no taboleiro de anuncios do Concello, da páxina web do mesmo e cun anuncio no BOP e, no seu caso, no Faro de Vigo.

As solicitudes para participar no concurso deberán presentarse no Rexistro Xeral do Concello en horario de 9:00 a 14:00 horas ou en calquera das formas admitidas no artigo 38.4 da Lei 30/1992 , de 26 de novembro , de réxime xurídico das administracións públicas e do procedemento administrativo común no prazo de 10 días hábiles dende o día seguinte á publicación do anuncio desta convocatoria na prensa local. Se algún dos interesados fixera uso da facultade de presentar as súas ofertas por correo ou noutra oficina administrativa distinta da local, ao abeiro do que dispón o artigo 80 do RXCAP, deberá acreditar co resgardo correspondente, a data de imposición do envío na Oficina de Correos ou na oficina administrativa , e anunciar o mesmo día ao Concello por télex, fax ou telegrama a remisión da documentación, xunto con copia do antedito resgardo. Sen cumprir ditos requisitos non será admitida a documentación no caso de recepción fóra do prazo fixado no anuncio de convocatoria.Transcorridos 5 días hábiles desde a data indicada sen ter recibida a documentación, esta non será admitida en ningún caso.

As instancias irán acompañadas dos seguintes documentos:

·        Fotocopia compulsada do D.N.I.

·        Fotocopia compulsada do título académico.

·        Certificado do expediente académico e Currículo vitae xuntando a documentación acreditativa dos méritos alegados.

·        Informe de vida laboral.

·        Contratos ou certificados de servizos prestados

·        Declaración xurada comprometéndose o solicitante a renunciar, se fora seleccionado, a calquera tipo de actividade remunerada durante o tempo que dure a bolsa

.Os solicitantes indicarán na instancia os seus datos persoais e deberán facer constar un teléfono de contacto para realizar o chamamento para calquera citación relacionada con esta selección.

 Rematado o prazo de presentación de instancias se ditará Resolución coa declaración dos aspirantes admitidos, composición da Comisión Cualificadora e sinalamento da data de realización das probas de valoración, Resolución que se publicará no taboleiro de anuncios do Concello.

Os aspirantes excluídos disporán dun prazo de 3 días, contados a partir do seguinte ó da publicación da resolución, para poder corrixir ou emendar, de ser o caso, o defecto que motivase a exclusión. No suposto de que se produzan reclamacións deberá ditarse nova resolución estimándoas ou desestimándoas coa publicación da lista definitiva no taboleiro de anuncios do concello.

O feito de figurar incluído na relación de admitidos non prexulga que se lles recoñeza ós interesados a posesión dos requisitos esixidos no procedemento selectivo convocado, os cales deberán de ser xustificados documentalmente no suposto de que os aspirantes admitidos superen as probas selectivas.

Para poder valorar os méritos achegados polos interesados constituirase unha comisión de selección, que estará integrada polos seguintes membros:

·        Presidente: Secretaria- Interventora do Concello.

·        Vocal: Funcionario auxiliar adscrito a Secretaría .

·        Vocal: Auxiliar de Desenvolvemento Local.

·        Vocal: Técnico do Padroado de turismo “Rías Baixas”.

·        Secretario: Funcionario adscrito á Intervención.

A comisión seleccionadora reunirase dentro dos quince días seguintes a data do remate da presentación das solicitudes as 10:00 horas para a baremación dos méritos aportados e celebración da entrevista persoal.

O proceso selectivo estará composto dunha fase de concurso e dunha entrevista persoal. Na fase de concurso os méritos a valorar serán os seguintes:

10.1. A selección do bolseiro efectuarase mediante a valoración dos méritos acreditados polos interesados segundo o seguinte baremo:

            B • Expediente académico para os Técnicos Superiores  de Información e Comercialización Turística, tendo en conta a nota media:

A.      Master ou Postgrado (relacionado co sector turístico): 1 punto   
B.      CURSOS:

DURACIÓN / HORAS		PUNTOS
100 ou máis horas		0.25 puntos
De 60 a 99 horas		0.20 puntos
De 30 a 59 horas		0.15 puntos
De 10 a 29 horas		0.10 puntos
9 ou menos horas		0.05 puntos
	DURACIÓN/CRÉDITOS	PUNTOS
	De 10 ou máis créditos	0.25 puntos
	De 6 a 9 créditos	0.20 puntos
	De 3 a 5 créditos	0.15 puntos
	De 1 a 5 créditos	0.10 puntos

 No suposto de que non se acredite a duración dos cursos, serán valorados a razón de 0.05 puntos.

No caso de que os cursos de idiomas sexan dunha Escola Oficial o baremo será o seguinte:

Nivel Básico                   Nivel Medio                       Nivel Avanzado

0.75 puntos                     1 punto                               1.25 puntos

Curso de iniciación ou Celga 3                                      0.25 puntos

Curso de Perfeccionamento ou Celga 4                        0.50 puntos

A Comisión poderá, en calquera momento, convocar ós solicitantes para aclaracións que teñan relación coa documentación do seu currículo.

Aquel/a que obteña a máxima puntuación, será proposto/a á Alcaldía.

A Resolución de Alcaldía será notificada ó/á interesado/a.

No caso de que se produza a renuncia por parte da persoa que resulte adxudicataria, o Concello procederá ó nomeamento do seguinte peticionario que obtivese maior puntuación, polo tempo que reste ata a finalización do período de duración da beca, reducíndose proporcionalmente a contía da beca e procedéndose do mesmo xeito en renuncias consecutivas.

Os beneficiarios das becas deberán presentar ó finalizar o período da beca unha memoria na que se recolla unha referencia dos traballos realizados, unha valoración dos recursos turísticos ofertados, demandas dos turistas, deficiencias dos servizos e proposta de accións para mellora.-la oferta turística.

Covelo, 7 de marzo de 2011

O ALCALDE                             Ante min, A SECRETARIA