O Concello de Covelo finalizou o ano 2021 coa concesión dunha subvención por parte da Deputación de Pontevedra por importe de 18.271,00€ para a adquisición e renovación de parte do mobiliario urbano do termo municipal.

Nesta ocasión o importe da subvención destinouse a: Mesas de madeira exterior adaptada na Praia de Barcia de Mera, no Parque infantil de Covelo e en Pazos (Santa Marina), canastras de mini basket en San Salvador de Prado, Barcia de Mera, Paraños e Pazos (Santa Marina), contedores de recollida selectiva e basura RSU en varias parroquias do termo municipal, instalación de columpio, torre tobogán e muelles en Redondo (Barcia de mera), e desfibriladores semiautomáticos na piscina de Covelo, no Pavillón de deportes e no Campo de fútbol.