O obxectivo de estas axudas é contribuír a acadar os obxectivos medioambientais e enerxéticos establecidos na normativa da Unión Europea, mediante a realización de actuacións de reforma de edificios existentes, que favorezan a redución do consumo de enerxía final e das emisións de dióxido de carbono, mediante o aforro enerxético, a mellora da eficiencia enerxética e o aproveitamento das enerxías renovables. As actuacións poden levarse a cabo en edificios de vivendas ou en vivendas unifamiliares.
Existen tres tipoloxías das axudas: 1. Mellora da eficiencia enerxética da envolvente térmica (cubertas, paramentos verticais, carpintería, aillamento do solo). 2. Mellora da eficiencia enerxética e uso de enerxías renovables (nas instalacións térmicas de calefacción, climatización, refrixeración, ventilación e auga quente sanitaria e actuacións de arquitectura bioclimática). 3. Mellora da eficiencia enerxética das instalacións de iluminación.
O prazo de presentación de solicitudes remata o 31 de xullo de 2021.