11/11/2023
O camposanto de Barcia de Mera acollerá o 11 de novembro o primeiro acto de Restauración da Memoria Lingüística cunha homenaxe ao fundador do orfeón Treixadura.
O alcalde de Covelo, Pablo Castillo, convida a toda a cidadanía a participar no acto de recoñecemento da figura de Mingos e de restauración da memoria lingüística do Concello de Covelo que terá lugar o vindeiro día 11 de novembro ás 13 horas no cemiterio de Barcia de Mera. Durante o acto colocarase unha lápida en galego no recordo de Mingos, promotor do uso da lingua galega, difundindo o folclore popular e levando o nome da súa vila e de Galicia alí onde actuou. Ademais, colocarase unha lápida máis que amosará o fondo agradecemento a todas as persoas que xacen nese camposanto "porque grazas a elas e eles Galicia segue a ter a lingua e cultura de seu".

07/11/2023
Proxecto de Mellora de accesibilidade e humanización de praza e camiño de A Ermida.
Consulta e participación no proxecto de Mellora de accesibilidade e humanización de praza e camiño de A Ermida.

05/11/2023
Magosto Covelo 2023
Domingo 05.11.2023 ás 18.30 h debaixo do Pavillón Municipal.
Este ano recollida de alimentos benéfica para o banco de alimentos do Concello de Covelo.
Neste momento os artículos que máis se necesitan son o leite e o aceite, non teñen existencias, pero agradécese calquera aportación de alimentos non perecedoiros, serán de gran axuda para as familias que o necesiten.

30/10/2023
CURSOS EN COMPETENCIAS DIXITAIS.
Para maiores de 50 anos.
Administración electrónica I e II - Iniciación a Internet e Seguridade en Redes Sociais.

30/10/2023
Pregúntame por É-Saúde
Luns 30.10.2023 de 8.15 h a 14.15 h estará no Centro de Saúde de Covelo a persoa responsable do Sergas para tramitar a Chave 365 e tamén É-Saúde, a ferramenta do Sergas de comunicación co cidadán, accesible desde calquera lugar e dispositivo (ordenador, móbil, tableta...) que lle permite o acceso a servizos e contidos de saúde personalizados.