Co obxectivo de dar a coñecer o patrimonio artístico, gastronómico e natural así como a música tradicional galega, visitaron o conxunto abacial de Barcia de Mera tendo tempo para facer unha proba da boa acústica da igrexa empregando as súas voces para entonar cantigas en lingua galega e portuguesa. A tuna da Universidade Senior e o grupo Seixos Brancos cantaron para comprobar a sonoridade desta igrexa que cada ano acolle o Ciclo de Música. Dende aí desprazaranseáronse ao Serradoiro dos Carranos e preparáronse para degustar carne ao caldeiro, “unha mostra da nosa cociña tradicional”, explica María José Gallego González, presidenta da asociación Río Xabriña de Paraños.

A asociación Río Xabriña de Paraños quixo agasallar, tamén, á Universidade lusa tempo de lecer cunha pequena festa na casa cultural de Paraños amenizada polo grupo de gaitas Chorima de Vilacoba. Tamén actuou a tuna da Universidade Senior de Monçao e o grupo Seixos Brancos pertencente á asociación local.

Con este evento, que servíu para estreitar relacións ao redor da cultura e do patrimonio, colaboraron o Concello de Covelo, a Cámara de Monçao, a Deputación de Pontevedra e CENSO.

A presidenta da asociación explica que é “fundamental transmitir e dar a coñecer o alto valor do patrimonio tanto material como inmaterial que temos na nosa vila e sentirse orgulloso del porque é rico, variado e abundante”.