Axenda
27/11/2020
VI Anuncio información local actualizada a 27 de novembro de 2020 relativa á Segunda Onda da Pandemia de COVID -19 e participación veciñal nos Orzamentos do 2021
Dende o pasado 6 de novembro, no Concello de Covelo NON SE DIAGNOSTICARON novos casos de COVID-19. Os dous casos anunciados o pasado 6 de novembro foron dados de alta médica. A dia de hoxe, non existen casos coñecidos e diagnosticados.
Coa intención de fomentar os procesos de participación veciñais na toma de decisións públicas, esta Alcaldía, pon en coñecemento de tódolos veciños e veciñas que poderán facer propostas en calquera ámbito orzamentario:
Plan anual de inversión. Organización de actividades lúdicas, deportivas, culturais e sociais. En relación a organización, funcionamento e financiación dos servizos públicos. Propostas de subvencións, impostos, taxas ou calquera outro asunto que considere oportuno.
26/11/2020
VI Galardóns "Síntete Covelo 2020"
Aberta a convocatoria dos "VI Galardóns Síntete Covelo", coa finalidade de facer público o recoñecemento á traxectoria de persoas ou entidades que leven a cabo proxectos destacados e relevantes para o noso Concello e para Galicia. Terase en conta a súa contribución á creación, as artes, a ciencia ou humanidades, o deporte, o medio ambiente e a conservación do noso entorno e a nosa paisaxe.
25/11/2020
Pacto dos Alcaldes para o Clima e a Enerxía e PACES.
Aprobación do Plan de Acción para o Clima e a Enerxía (PACES).
No Pacto dos Alcaldes para o Clima e a Enerxía os concellos integran os obxectivos da Unión Europea para o ano 2030 de reducir as emisións de CO2 no seu territorio nun 40%, a través das súas políticas municipais. Cada concello redacta un Plan de Acción para o Clima e a Enerxía Sostible (PACES) no que inclue un Inventario de Emisións de Referencia (IER), unha Avaliación de Riscos e Vulnerabilidades (ERV) ante o cambio climático. Cada dous anos tamén se presentará un Informe de Seguimento do PACES.
25/11/2020
NADAL 2020 - CONFERENCIA VIRTUAL COS REIS MAGOS DE ORIENTE
Tempos difíciles para as celebracións e tamén para as CABALGATAS DOS REIS MAGOS.

Para o concello de Covelo os nenos e nenas do noso pobo son moi importantes, temos o pracer de comunicar que o noso Alcalde Pablo Castillo mantivo varias reunións coas suas Maxestades os Reis Magos, Melchor, Gaspar e Baltasar e conseguiu pechar un fantástico acordo con eles.

Este ano non será posible a causa do Covid-19 que veñan a Covelo como é tradición dende fai moitos anos, pero iso non impediu que teñamos a maneira de poder falar con eles en directo!!!! Siiiiii en directo!!!!!

Se queredes que os vosos pequechos e pequechas teñan unha videoconferencia persoal cos 3 Reis Magos, seguide todos os pasos que che indicamos no cartel e a través da plataforma www.nadal2020.es e fai que este Nadal sexa moi especial.

Inscricións do 25 de novembro ao 29 de decembro.

Recorda indicar na plataforma a tua provincia (PONTEVEDRA) e o teu concello (Covelo)
23/11/2020
Obradoiro de Empreo Mondariz - Covelo: "Medrando entre todos e todas".
As persoas interesadas do Concello de Covelo deberanse apuntar con URXENCIA na Oficina de emprego de A Cañiza para o Obradoiro de Emprego e nos módulos indicados. Número total de alumnos: 20 persoas maiores de 18 anos. Duración: 9 meses. Data estimada de inicio: finais de decembro de 2020. Data estimada de remate: finais de setembro de 2011.

[937 noticias - Página 3 de 188]   [anteriores] [1] [2] [3] [4] [5] [6] [7] [8] [siguientes]

 

Logos W3C-WAI Leader Agader UE Ministerio Sostibilidade