18 febreiro 2020
Axudas para a posta en marcha da "casa dos maiores".
Posta en marcha de experiencias piloto destinadas á atención de mulleres e homes maiores de 60 anos de idade, mediante o establecemento da casa do maior nos concellos que non dispoñan de recursos de atención diúrna a persoas maiores, durante o ano 2020.

05 febreiro 2020
Aberto o prazo das subvencións para adquisición de vivienda dirixida a menores de 35 años en municipios de menos de 5.000 habitantes
Para vivendas xa construidas, tanto novas como usadas, cun prezo de adquisición que non poderá superar os cen mil euros. A contía da axuda para a adquisición será de ata dez mil oitocentos euros por vivenda, co límite do 20 % do prezo de venda, sen incluír os gastos e tributos inherentes a esa adquisición. Prazo de presentación do 05/02/2020 ata o 30/09/2020, ou ata esgotar presuposto.

04 febreiro 2020
Plan de loita contra o cancro do castiñeiro. Solicitude de tratamento experimental.
Plan de actuacións de loita contra as enfermidades do castiñeiro no 2020 á que poderán acceder tódolos propietarios de parcelas con plantación de castiñeiros que desexen solicitar o tratamento experimental de distribución de cepas para combater a enfermidade do cancro do castiñeiro.

03 febreiro 2020
O mellor momento para a captura de raiñas de Vespa velutina é agora.
É agora na primavera, a mellor ocasión para colocar as trampas e o atraínte en aqueles lugares que existen colmeas ou árbores en flor, de tal maneira que coa captura das raiñas, que son as únicas activas nesta época, estaremos evitando a proliferación de futuros niños polo entorno.

30 xaneiro 2020
O venres 14 de febreiro remata o prazo para a participación veciñal na planificación do IV Plan de Formación do Concello de Covelo.
Os cursos inicialmente propostos ata o de agora - en función das demandas dos veciños interesados no ano 2019 - son os seguintes: Xardinería, redes sociais, seguridade en internet para pais, lingua de signos 2º nivel, acompañante de transporte escolar e comedor, acceso a internet, redes sociais, certificados electrónicos, correo electrónico, prevención de riscos en manexo de maquinaría forestal, monitor/a de tempo libre, cultivo de froiteiras e oliveiras, curso de caixeiro-a/repoñedor-a. Poden facer propostas no relativo a novos cursos, á planificación dos cursos de formación que máis lle interesan, as datas e horarios de impartición, etc.

27 xaneiro 2020
Anuncio de contratación de 16 persoas ó amparo do Plan Concellos 2020
Requisitos básicos para acceder ao posto; consultar as bases no BOPP nº1 de 2/1/2020. As datas de inicio e finalización poden variar en función dos prazos administrativos e das necesidades dos servizos.

24 xaneiro 2020
Axuda Tarxeta Benvida 2020
Axuda económica para as familias que no ano 2020 teñan un fillo/a, adopten ou sexan declaradas en situación de garda con fins adoptivos. Prazo de solicitude de dous meses a contar dende o 1 de xaneiro de 2020.