19 agosto 2017
Ruta do Río Xabriña, visita ó Lagar da Cera e ó Centro de Interpretación da Cera, FAVUM.
Dificultade baixa, cunha duración aproximada de 4 horas. Saída ás 09:30 horas dende o recinto das festas de Paraños, rematando no mesmo lugar sobre as 14:00 horas. Visitaremos o lugar onde traballaban os cereiros. A entrada ó FAVUM é de 1 euro.

15 agosto 2017
Ruta dos Carranos e visita ó Serradoiro dos Carranos
Dificultade media. Saída dende a Rectoral de Fofe ás 10:00 horas e rematando sobre as 14:00 horas. A andaina transcorre nas fragas do alto Tea onde poderán gozar dos valores medio-ambientais, paisaxísticos e patrimoniais do val e da serra. Pasaremos pola espectacular ponte medieval de Fofe que cruza o río Tea, visitaremos o Serradoiro e a Aula da Natureza e do Patrimonio Etnográfico dos Carranos, un conxunto único pola súa singularidade.

13 agosto 2017
Ruta AQA
Dificultade baixa. Percorrido duns 12 quilómetros. Saída dende a praia fluvial de Maceira ás 09 horas e chegada ao mesmo lugar ás 14 horas aprox. O percorrido da ruta AQA atravesa un espazo natural condicionado pola presenza da auga, que actuou como modeladora dunha paisaxe de vales e valgadas. Son numerosos os elementos do patrimonio etnográfico presentes ao longo da ruta e relacionados cos usos da auga, como presas e levadas para o rego, fontes e pasos, muíños, todos eles testemuños do íntimo vencello entre os covelenses e a auga ao longo dos séculos.

12 agosto 2017
Explicación do cruceiro do Cristo dos Aflixidos e visita á Casa Museo Etnográfico “Pazo Da Cruz”.
Empezaríase a explicación no cruceiro ás 11:00 horas, para logo ir camiñando ata A Hermida onde está situada a Casa Museo 'Pazo Da Cruz'. Alí remataría a visita sobre as 14:00 horas. A entrada ó museo é de 2 euros os adultos e 1 euro os nenos.

06 agosto 2017
Presentación do libro: "A Graña: unha parroquia singular."
De Xan X. Fernández Carrera, presentado por Javier Berridy. Domingo 6 de Agosto ás 13:00 h. na Casa Social de A Graña. Con viños e pinchos para o público.

06 agosto 2017
Ruta "Pedra do Lobo"
Dificultade media-baixa. Saída dende a praza do Concello ás 10:00 horas e remate as 14:00h. aprox. Principia nas abas de Castro para discorrer paralelo ó río Ponte Piñeiros. No seu percorrido podemos coñecer diversos ecosistemas, coma o bosque de ribeira, as brañas, as matogueiras, os prados e os pequenos bosques. Ademais deste variado patrimonio natural, compre admirar muíños, cruceiros e petróglifos, así como outras manifestacións da relación do ser humano e a natureza.

05 agosto 2017
Festa da bicicleta. Con agasallos para tódolos participantes.
O sábado día 5 na praza do Mestre Cerviño. Cunha bicicleta de regalo!!!

30 xullo 2017
Ruta "Foxo do Lobo"
Saída dende a praza do Concello ás 08:30 horas para dirixirnos o inicio da ruta na parraquia de A Graña. Ten unha duración aproximada de 5 horas, remataríase sobre as 14 horas. Cubrindo unha distancia total de 14 km (ida e volta). Nela poderemos ver o foxo do lobo e os chozos da Serra do Suído.