Este fermoso percorrido proposto permite coñecer unha mostra moi representativa do patrimonio etnográfico-gandeiro e natural da Serra do Suído
A vella e fortemente erosionada formación granítica da Serra do Suído, caracterizada pola combinación de pendentes abruptas nas súas caeiras con planaltos na liña de cumes, representa o límite meridional da Dorsal Galega, e a fronteira administrativa entre as provincias de Ourense (Concellos de Avión y Beariz) e Pontevedra (Concellos de Covelo, Fornelos de Montes e A Lama). Os valores de conservación deste espazo natural, candidato á inclusión na Lista de Lugares de Importancia Comunitaria da Unión Europea, veñen definidos sobre todo por albergar amplas superficies de ecosistemas seminaturais de matogueira atlántica e turbeiras nas que desenvolven o seu ciclo vital especies animais e vexetais propias de ecosistemas abertos como o lobo (Canis lupus), a gatafornela (Circus pygargus), a aguia albella (Circaetus gallicus), ou os amarelles (Narcissus cyclamineus, N. pseudonarcissus). Igual ou maior importancia que os valores de conservación naturais, ten o rico patrimonio etnográfico gandeiro da serra, que do mesmo xeito que os ecosistemas é o froito da interacción perante séculos entre o home, o seu gando e o medio natural.
A paisaxe agrícola dominou durante os séculos pasados a meirande parte da superficie dos vales fluviais na bacía do Tea, ocupando os terreos de cultivo as terras máis fértiles en sustitución dos antigos amieirais e carballeiras. Os nosos antergos, labregos e gandeiros a partes iguais, precisaron domesticar e adaptar ás súas necesidades o medio natural e paisaxe da serra, para que durante o final da primavera e no verán o gando pacera no pasto tenro das brañas e praderías do monte ó tempo que as terras baixas ficaban intensamente traballadas. Froito deste secular manexo agrogandeiro, é a escolma de bens e elementos etnográficos que son resposta da dependencia dos poboadores, gando e cultivos, dos recursos naturais da Serra do Suído.
Recopilación de fotos da ruta do Foxo do Lobo
Na ruta poderán apreciar:
O roteiro na actualidade esta conformado por dous accesos dende distintos puntos da serra e ambos permiten a visita dos conxuntos etnográficos do foxo do lobo e dos chozos de Bidueiros. Un terceiro acceso (parcialmente sinalizado) pode abordarse dende a Poza de Piñeiro , lugar ata onde chega unha ruta sinalizada que parte do cemiterio de Piñeiro Ruta Poza Piñeiros Inicio de ruta poza Piñeiro
Percorrendo a pista do foxo e ó longo dun percorrido 6,5 km. que segue o trazado ou vai paralelo a un dos ramais do antigo camiño da Brea, chegamos O Foxo de Lobo de Campo (a 5 km.) e ó Conxunto Etnográfico Gandeiro de Bidueiros (a 6,5 km.).
Dende a pista forestal vella no final do vial do parque eólico na Chan do Libro.