Será este domingo a partir das 10 horas totalmente de balde. En grupos dun máximo de 25 persoas realizanse catro pases: de 10 a 11:30 horas; de 12 a 13:30 horas; de 14 a 15:30 horas e de 16 a 17:30 horas. As persoas interesadas deberán inscribirse no número de teléfono 654 500 652.

Da man do guía de montaña e biólogo, Julio Eiroa, coñecerán a historia desta reliquia do pasado económico e industrial do noso concello. O Serradoiro dos Carranos é unha obra mestra da arquitectura e da enxeñaría. Este serradoiro, construído pola familia Vales no 1922, utiliza a forza motriz da auga para mover unha serra de cinta e outras maquinarias. Neste momento está rehabilitado para a visita con material didáctico repartido entre as diferentes estancias do conxunto.

O goberno de Covelo sigue apostando pola valorización dos seus bens culturais e medioambientais facéndoos visibles, visitables e achegándoos non só á veciñanza do concello, tamén ao resto dos visitantes.