30 xullo 2017
Ruta "Foxo do Lobo"
Saída dende a praza do Concello ás 08:30 horas para dirixirnos o inicio da ruta na parraquia de A Graña. Ten unha duración aproximada de 5 horas, remataríase sobre as 14 horas. Cubrindo unha distancia total de 14 km (ida e volta). Nela poderemos ver o foxo do lobo e os chozos da Serra do Suído.

29 xullo 2017
Ruta Poza de Piñeiro
Dificultade media, cunha duración aproximada de 4 horas. Saída dende o Cemiterio de Piñeiro ás 10:00 horas. A ruta transcorrerá ata a Poza ou Pozo de Piñeiro, un lago de montaña, creado artificialmente para administrar a auga procedente da parte alta da Serra do Suído para o regadío das terras agrícolas da Parroquia de Piñeiro, que co paso do tempo converteuse nunha zona húmida de gran interese paisaxístico e natural. Para rematar a visita subiremos ata a Capela de A Guía de Piñeiro para gozar das vistas panorámicas que nos ofrece.

23 xullo 2017
Ruta do Río Alén e visita ó Conxunto Abacial de San Martiño de Barcia de Mera.
Dificultade Baixa. Ás 09:30 h. saimos dende a Praza do Mestre Cerviño en Covelo cara a Capela de San Xoán de Mosteiro, onde comezará a ruta. A andaina transcorrerá polo marxe fluvial do río Alén (afluente do río Tea) rematando as 14:00 h. na parroquia de Barcia de Mera.

22 xullo 2017
Ruta "Sendeiro das Estrelas"
É o segundo ano que facemos esta ruta, ser os primeiros en gozar da fermosa Fervenza de Parrelos. Dificultade baixa. Saída dende a Praza do Mestre Cerviño en Covelo ás 09:30 horas para dirixirnos a Igrexa parroquial de San Salvador de Prado onde empeza a ruta, cunha duración aproximada de 3 horas.

16 xullo 2017
Ruta do Río Xabriña, visita ó Lagar da Cera e ó Centro de Interpretación da Cera, FAVUM.
Dificultade baixa, cunha duración aproximada de 4 horas. Saída ás 09:30 horas dende o recinto das festas de Paraños, rematando no mesmo lugar sobre as 14:00 horas. Visitaremos o lugar onde traballaban os cereiros. A entrada ó FAVUM é de 1 euro.

15 xullo 2017
Visita ao Patrimonio Eclesiástico de Covelo
Visita ó Cruceiro do Cristo dos Aflixidos, ó Santuario da Nosa Señora ó Pe da Cruz de Baldomar, ás ruinas da Igrexa de Santa María de Casteláns e ó Conxunto Abacial de Barcia de Mera. Saida ás 11:00 horas da Praza do Concello e terminaremos a visita sobre as 14:00 horas.

09 xullo 2017
Ruta dos Carranos e visita ó Serradoiro dos Carranos
Dificultade media. Saída dende a Rectoral de Fofe ás 10:00 horas e rematando sobre as 14:00 horas. A andaina transcorre nas fragas do alto Tea onde poderán gozar dos valores medio-ambientais, paisaxísticos e patrimoniais do val e da serra. Pasaremos pola espectacular ponte medieval de Fofe que cruza o río Tea, visitaremos o Serradoiro e a Aula da Natureza e do Patrimonio Etnográfico dos Carranos, un conxunto único pola súa singularidade.